Трамп импичмент бойынша тыңдаулар аясында америкалықтарға үндеу тастады

АҚШ президенті Дональд Трамп импичмент туралы тергеуді АҚШ Конгресінде өткен қоғамдық тыңдауларға байланысты америкалықтарға үндеу жолдады. Бұл туралы видео Ақ үйдің твиттерінде пайда болды, деп хабарлайды korrespondent.net.

- Қазір болып жатқан нәрселер американдық саясат тарихындағы ең алаяқтық дүниелер болып табылады. Демократтар қару-жарақтарыңызды, медициналық сақтандыруларыңызды алып, сайлауда дауыстарыңызды теңестіргісі келеді, бостандықтарыңызды, сіз қолдайтын судьяларды, олар бәрін алғысы келеді, - деді Трамп, осы арқылы сайлаушыларына маңызды мәселелер бойынша демократтармен болған қарама-қайшылықты меңзеген болса керек.

- Біз бұған ешқашан жол бермейміз. Біз Вашингтондағы батпақты құрғату үшін күресіп жатырмыз және мен дәл осылай істеп жатырмын. Енді мұны не үшін жасау керектігін түсініп отырсыз, - деп атап өтті америкалық көшбасшы.

Оның айтуынша, қазір бүкіл ел үшін қауіп төніп тұр.

- Бұл өте қарапайым: олар мені тоқтатуға тырысуда, мен сіздер үшін күресіп жатырмын және мен бұған ешқашан жол бермеймін, - деді Трамп.

Естеріңізге сала кетейік, Дональд Трамп АҚШ Конгресінде оның импичментіндегі алғашқы көпшілік тыңдауларды бақылау үшін «уақыт тарапынан мүлдем бос еместігін» мәлімдеген болатын.

13 қарашада Конгресс Трамптың импичментіне қатысты ашық тыңдауды ресми бастады. Америка Құрама Штаттарының президентінің билікті теріс пайдалану мүмкіндігіне қатысты тергеу тікелей эфир форматына көшті. Алғашқы куәгер АҚШ мемлекеттік хатшысының көмекшісі Джордж Кент болды.