Айдың беймәлім бөлігін зерттеуге бағытталған талпыныстың нәтижесі қалай?

Қытай ғарыш агенттігінің хабарлауынша Чанъэ-4 қаңтардың 3-не айдың бетіне қонғаннан кейін жақсы жұмыс жасап жатыр. Чанъэ-4-те белгісіз аймақтың геологиясын анықтайтын құралдар бар екен. 

Негізгі құрылғы «күту» режимінен «оянған». Қадағалаушылар оны «күту» режимінен бұл режимге айға қонғаннан кейін ыстық температураға қарсы төтеп беру үшін қойған болатын. Күн ең биік көкжиекке көтерілген кезде температура +200 градусқа дейін баруы мүмкін. Бірақ Қытайдың айды барлау бағдарламасы (CLEP), 11 қаңтар күні таңертең, «Yutu 2» аппараты, сонымен қатар түсіру құралдары мен спутник-ретранслятор «тұрақты күйде» екенін мәлімдеді.

Чанъэ-4-тің мақсаты айдың бізге көрінбейтін бөлігін зерттеу болатын. Айта кетейік, Чанъэ-4 – айды және ғарыш кеңістігін зерттеуге арналған Қытайдың автоматты планета аралық станциясы. 

Чанъэ-4 желтоқсанның 7-сі күні Қытайдағы Сичан ғарыш аймағынан ұшырылды. Ол 3 қаңтар күні 3:26-да (Пекин уақытымен) айға қонған еді. Бұл айдың бізге беймәлім бөлігін зерттеуге бағытталған бірінші талпыныс.

Қытайдың айды барлау бағдарламасы (CLEP) айдан алынған кескіндердің анық екендігін айтып отыр.