2021 жылғы ҰБТ-ға енгізілген өзгерістер:
- ҰБТ толықтай компьютерлік форматта өтеді;
- Тест тапсыруға 240 минут беріледі (шығармашылық емтиханды таңдаған оқушылар 65 минут). Тестілеу кезінде 2 минуттық және 15 минуттық үзіліс болады;
- Нұсқалар ешбір оқушыда 100 % қайталанбайды;
- Грантқа құжаттарды онлайн түрде egov.kz электронды порталы арқылы тапсырасыз;
- Наурыз айында өтетін ҰБТ арқылы тек ЖОО-ның ақылы бөліміне түсуге болады;
- Грантқа тапсыруға жарамды ҰБТ сәуір-маусым айларында 100 күн бойы болады. Бұл аралықта оқушының 2 рет тапсыруына мүмкіндік бар.
- Тіркеу наурыз айында басталады, тіркелген сәтте тапсыратын бөлімшені, екі датаны және уақытын таңдауға болады;
- Әскери оқу орнына түсу үшін талапкер алдын ала ЖОО-дан нақты ақпарат алу тиіс, себебі әр ЖОО-ға байланысты талаптары әрқалай;
- Шығармашылық емтихан тапсырушы 2 пән бойынша тест тапсырады:
Оқу сауаттылығы - 20 сұрақ;
Қазақстан тарихы - 15 сұрақ;
- Оқушы шығармашылық емтиханды қай ЖОО-да тапсырса, конкурс кезінде сол ЖОО-ны таңдайды;
- Техникалық ақаулар болып компьютер өшіп қалса, әрбір жауабыңыз сол күйінде сақталады. Себебі барлық тестілеу пункттері бойынша енгізілген жүйеде оқушының әр іс-әрекеті сақталады;
- 15 минуттық үзілісте оқушыларға бір-бірімен сөйлесуге, пікір алмасуға рұқсат жоқ;
- Мамандық бойынша шекті балл:
- Ұлттық жоғары оқу орындарына - кемінде 65 балл;
- «Педагогикалық ғылымдар» саласы бойынша - кемінде 70 балл;
- «Денсаулық сақтау және әлеуметтік қамтамасыз ету (медицина)» саласы бойынша - кемінде 65 балл;
- басқа ЖОО-ға - кемінде 50 балл жинаған талапкерлер жіберіледі.
- Кешенді тестілеу толықтай ҰБТ форматына ауысты;
- Сұрақтар базасы 30%-ға жаңартылады;
- Ресми түрде грант саны жарияланған уақытта, бірден joo.kz сайтына жаңалық шығады.
