Робот-журналистер: не істей алады, не үшін қажет?

EPD ақпараттық агенттігінің хабарлауынша, неміс баспагерлері жасанды интеллектті көбірек қолдана бастады. Германия баспалары федералдық қауымдастығының (BDZV) зерттеушілері осындай тұжырым жасады. Олардың айтуынша, робот-журналистика әсіресе спорттық іс-шараларды жариялауға, сондай-ақ ауа-райы туралы ескертулер мен қор биржалары туралы есептер жасауға қатысатын болады. 2019 жылғы Business Trends сауалнамасына қатысқан компаниялардың 74 пайызы жасанды интеллектті «қажет» әрі «өте орынды» деп санайды.

Қазіргі уақытта жасанды интеллект әсіресе жарнамалар (16 пайыз) мен редакция бөлімдерінде (19 пайыз) жұмыс істейді. Зерттеушілер 2022 жылға қарай монтажда жасанды интеллекттің үлесі 64%-ға дейін, ал жарнама саласында 69%-ға дейін өседі деп болжайды.

Журналистикаға робот емес, адам қажет

Сонымен бірге зерттеушілерге кеңес беретін маман Рольф-Дитер Лафренц роботтар журналистерді алмастыра алады деген түсінік түбегейлі қате деп санайды.Роботтар тек деректерді автоматты түрде өңдеуде және тілдерді аударуға қажет болады. Бұған қоса әлі күнге дейін адамдардың бақылауын қажет етеді.

Баспа саласындағы жалпы тенденциялар

Уақыт өте келе баспа басылымдарының бәрі дерлік электрондық нұсқаға ауысады Қағазсыз, сонысымен ыңғайлы. Клиенттерге арналған ұсыныстардың өсуі де болады. Сонымен бірге, бейімделген өнімге баға әр түрлі болуы мүмкін. «Белгілі бір тауарға арналған баға ұзақ уақыт бойына тұрақты бола алмайды, - деді Лафренц. - Мысалы, тұрақты оқырмандар жазылым бағасын көтеруге тыныштық танытады, бірақ жаңа тұтынушылар үшін баға қиындық тудыруы мүмкін». Баспагерлердің 79 пайызы сауалнама барысында ұсынысты / бағаны саралауды қазірдің өзінде қолданып жатқанын немесе пайдалануды жоспарлап отырғанын айтты.