Білім

Балқан олимпиадасынан қазақстандық оқушылар бес медальға ие болды

Қазақстандық оқушылар Балқан олимпиадасынан  1 күміс, 4 қола медаль жеңіп алды. Зияткерлік олимпиадада 18 елден  қатысқан 100-ден астам оқушы бақ сынады. Командалық есепте еліміз 6-шы орынды иеленді.

Авторларды қолдау орталығы

[email protected]

Сурет ҚР БҒМ

6-10 қыркүйек арасында өткен сайысқа Қазақстанның атынан Нұр-Сұлтан, Алматы және Қарағанды қалаларынан 6 оқушы қатысты.  

Бұл туралы Bugin.kz платформасы хабарлайды.

Жеңімпаздардың қатарында күміс медаль иегері Таир Сатубалдин, қола жүлдегерлер — Нұрасыл Әбдіразақ, Рахим Баймурзин, Юрий Тен, Батырхан Сакенов және Құрмет грамотасымен марапатталған Сам Фетуллах бар.

«Олимпиаданың турнирлік күнінде жас математиктердің алдына қиын міндет қойылды. Олар төрт тапсырманы шешуі тиіс болды. Әр дұрыс шешім үшін қатысушылар 10 ұпай алды. Біздің оқушылар Балқан елдері, сондай-ақ Ұлыбритания, Италия, Әзірбайжан, Өзбекстан және Қырғызстан елдерінің білім алушылары қатысқан жарыста жақсы нәтижелер көрсетті. Оқушыларымыз әлемдік шыңдарды бағындырып, Қазақстанды лайықты деңгейде танытуы үшін дарынды балаларды іріктеу және ел ішінде олимпиадалар өткізу бойынша жұмыстарды жалғастыратын боламыз», — деп атап өтті «Дарын» республикалық ғылыми-практикалық орталығының директоры Тимур Нұркешов.

 

 

 

 

 

 

Видеонұсқаулық