Назарбаев: «Әлем ядролық соғыстың аз-ақ алдында тұр»

Әлем ядролық соғыстың аз-ақ алдында тұр. Бұл туралы елбасы Нұрсұлтан Назарбаев Astana Club 2021 отырысында айтты.

Elbasy.kz хабарлауынша, елбасы өз сөзінде әлемдік сын-қатерлер мен қазіргі заманның жаһандық қауіп-қатерлеріне, соның ішінде коронавирустың таралуына, әлемдік державалар арасындағы қарама-қайшылықтың күшеюіне, Ауғанстан төңірегіндегі жағдайға және ядролық стратегиялық тұрақтылық саласындағы күрделі жағдайға ерекше назар аударды.

«Әлем ядролық соғыстың аз-ақ алдында тұр. Әлемде қазір дағдарыстық жағдай. Бұл Үлкен Еуразиядағы ынтымақтастықтың жаңа тәсілдерін әзірлеуді талап етеді» – деді Назарбаев.