Алматыда екі метро станциясы іске қосылады

Алматыда 2022 жылдың бірінші тоқсанының соңына дейін екі метро станциясы – «Сарыарқа» және «Бауыржан Момышұлы» іске қосылады. Бұл туралы Bugin.kz порталы хабарлайды.

«Биылғы бірінші тоқсанның соңына дейін «Сарыарқа» және «Бауыржан Момышұлы» метро станцияларын іске қосамыз. Қалқаман станциясының құрылысы жалғасады»,- деді Алматы қаласының әкімі Бақытжан Сағынтаев.

ҚазАқпарат мәліметінше, қазіргі кезде жаңа станциялар 96% дайын.

Жол Абай даңғылының астында, Алтынсарин даңғылынан Ясауи көшесіне дейінгі батыс бағытта орналасқан.

«Сарыарқа» станциясы Family саябағының ауданында, ал «Бауыржан Момышұлы» станциясы Абай даңғылының төменгі жағында, Момышұлы көшесінің батысында орналасқан.