ЖОО түлектерін жұмысқа орналастыруға арналған бағдарламалар

Бүгінгі таңда жоғары оқу орнында оқитын, оны бірнеше дипломмен бітіріп жатқан жастардың саны жыл сайын артып келеді. Бірақ олардың басым көпшілігі жұмысқа орналасу проблемасына тап келеді. Біреулер үшін жұмыс іздеу – қалыпты және үйреншікті жағдай болса, біреулерге бұл тосын әрі бұрын бастан кешірмеген жайт болуы мүмкін. Бірақ  адам өз ісінің нағыз маманы болса, өз ісін жетік меңгерсе ол алмайтын қамал қалмас. Қоғам бар жерде тіршілік бар, тіршілік бар жерде қоғам бар. Осы қағиданы естен шығармағанымыз жөн болар. 

Университетті аяқтағаннан кейін бірден жұмысқа орналасу бақыты өкінішке орай, барлық диплом алған мамандарға бұйырмайды. Жұмыс беруші көп жағдайда жұмыс тәжірибесі бар, әмбебап, көптілді қызметкерді алуға мүдделі. Бұл жағдайда кешегі түлек, бүгінгі маманға көмекке «Дипломмен ауылға», «Жастар тәжірибесі» және «Жастардың кадрлық қоры» бағдарламалары көмек бере алады.

«Жастар тәжірибесі» бағдарламасы

«Жастар тәжірибесі» бағдарламасы түлектердің алған мамандығы бойынша бастапқы жұмыс тәжірибесін алу мақсатында ұйымдастырылады.

Жастар тәжірибесі техникалық және кәсіптік, орта білімнен кейінгі, жоғары және жоғары оқу орнынан кейінгі түлектер  қатарынан алған мамандығы бойынша оқуды аяқтағаннан кейін 3 жыл аспаған және жиырма тоғыз жастан аспаған жұмыссыздар үшін арналған.

Жастар тәжірибесі барлық меншік нысанындағы кәсіпорындар мен ұйымдарда ұйымдастырылады.

Жастар тәжірибесі тұрақты жұмыс орындарынан тыс және тұрақты жұмыс орындарына бос орындардан тыс жүргізіледі.

Жастар тәжірибесі бойынша жұмыс уақытша сипатта болады.

Жастар тәжірибесінің ұзақтығы 6 айдан аспайды.

2018 жылғы 1 желтоқсандағы жағдай бойынша 27,5 мың жас маман "жастар тәжірибесіне" жіберілді.

Жастар тәжірибесі бойынша айлық жалақы мөлшері республикалық немесе жергілікті бюджеттерден 25 айлық есептік көрсеткішті.

«Дипломмен - ауылға» бағдарламасы

ЖОО мынадай мамандықтар бойынша аяқтаған студенттер үшін:

•білім беру;

•денсаулық сақтау;

•әлеуметтік қамтамасыз ету;

•мәдениет және спорт;

•ветеринария.

Мемлекет жас мамандарды әлеуметтік қолдаумен ауылдық жерден жұмыс ұсынады:

•70 АЕК мөлшеріндегі көтерілуге көмектің бірыңғай жәрдемақысын төлеу;

•1500 АЕК мөлшерінде 0,01% мөлшеріндегі сыйақы мөлшерлемесімен 15 жыл мерзімге тұрғын үй сатып алуға және құрылысына арналған бюджеттік несие;

•ауылдық елде мекендерде орналасқан әлеуметтік сала мекемелерінің мамандарына лауазымдық еңбекақының тарифтік мөлшерлемесінен 25 % кем емес (қалалық елді мекенде)  арттыру.

«Жастар кадрлық резерві» бағдарламасы  

ҚР Білім және ғылым министрлігі және «Нұр Отан» ХДП қолдауымен жас талантты, белсенді қазақстандықтар қатарынан елдің басқарушы кадрларын анықтау, іріктеу, дайындау және тәрбиелеуге бағытталған «Жастар кадрлық резерві» жобасы іске асырылған болатыг.

Жобаны іске асыру сондай-ақ  жас мамандар қатарынан елдің басқару кадрларын анықтау, іріктеу, дайындау және тәрбиелеу және үш бағыттар бойынша әлеуметтік-маңызды қызметті қосуды болжайды:

1.Мемлекеттік қызмет

2.Бизнес-қауымдастық

3.Қоғамдық саяси қызмет