Әлемдегі ең қысқа хат - на bugin.kz
Динара Орынбекқызы - на bugin.kz Динара Орынбекқызы

Ең қысқа әңгіме жазған кімдер екенін білесіз бе?

Ең қысқа әңгімелер жазған кімдер екенін білесіз бе? Мүмкін сізде жаза аларсыз. Қысқа болса да оқырманына ой салатын әңгімелер қашан да керек-ақ.

Әлемдегі ең қысқа хат Америкада жазылған екен. Баспаханаға сұрау "?" белгісімен хат келеді. Баспа жетекшісі леп "!" белгісімен жауап жіберген. Мағынасы — хатты жіберуші баспаға берген кітабының жағдайы не болып жатқанын сұраса керек. Жауап — «бәрі ойдағыдай» дегенді білдірген.  

Атақты О.Генридің шағын әңгімелер жарысында жеңіске жеткен мынадай әңгімесі бар. «Темекісін тұтатқан жүргізуші қанша жанармай қалғанын білмек болып, жанармай багіне үңілді. Бейбақтың жасы 23-те болатын». Шиеленісіп шешімін тапқан бұл әңгіме оқырманды бей-жай қалдырмасы анық.

Фредерик Браунның хоррор стиліндегі атышулы әңгімесі бар. «Жер бетіндегі соңғы адам бөлмеде отыр еді. Есік қағылды».

Керемет еңбектер жазған Эрнест Хеменгуэйден біреу «кез-келген тақырыпта ең қысқа әңгіме жаза аласың ба?» деп сұрапты. Сонда, Эрнест «балаларға арналған аяқ киім сатылады. Киілмеген» - деп жазып берген екен.

Осындай қызықты мәліметтерді қарап отырып, әрбір адамның шабыты ашылары анық. Менде өз шамам келгенше қалам тербедім. Сіздің де қолыңыздан келері анық. Жазыңыз. Оқыңыз. Ойланыңыз.

- "Теңізде жүзіп келем ескексіз" - деді, қолы жоқ қария.

- Досты қураған ағаштай, дұшпанды жемісті бақшадай көретін замандамын.

- "Ата-анама көмектескім келеді"- деп, көзіне жас алды жетім бала.

- Күзде неліктен жапырақ сарғаяды, олда бір жанды күткені ме?!

- Адам мәңгі тірі жүрер болса, мына өмірде алға ұмтылу деген түсінік болмас еді.

- Сенім - сағынумен, еркелеумен, нәзіктікпен ілескен махаббат.

- "Сен мүгедексің" - деп өгей шеше баланы ұра бастады. Баладан жас ақты, өгей шеше ұрғаннан емес. Өз анасының қасына бара жатқанына қуанып... 

- Сәби күлкісі баға жетпес құндылық десем, тағы да бағаға келіп тірелді...

1 Пікір Кіру