Қалай ұйқыдан ерте тұруды әдетке айналдыруға болады?

Таңертең ерте тұру көптеген адамдар үшін қиын болуы мүмкін, бірақ ұйқы режимін дұрыстап, ерте тұруды әдетке айналдырудың көптеген артықшылығы бар. Зерттеулер көрсеткендей, ерте оянатын адамдар ұзақ ұйықтауды ұнататындарға қарағанда белсендірек, мәселелеррді де ертерек болжай алады және оларды шешуді жоспарлауға қауқарлы. Сонымен қатар, ерте тұру ұйқының сапасын жақсартуға көмектеседі, өйткені ол дененің тәуліктік ырғақтарын синхрондауға әсерін тигізеді.

Ерте оянуды әдетке айналдыруға көмектесетін дағдылар:

• Ерте оянуыңыздың себебін анықтаңыз. Мәселен, үнемі жолы болмайтындар немесе әлсіз адамдар көп ұйықтайды деген нық түсінік қалыптастырып алыңыз.

•  Оянғаннан кейін бір стақан су ішіңіз. Су сіздің денеңіздің оянуына және түнде ағзаңызда жиналған заттарды кетіруге көмектеседі.

• Оятқышты дұрыс уақытқа орнатыңыз. Сергек және энергияға толы болып ояну үшін мұны циклға сай жасау керек. Яғни 23.00-де ұйықтасаңыз, 06.30-да немесе 08.00 оянғаныңыз дұрыс болады .

• Жоспарланған жоспармен ояну үшін таңертеңгілік тәртіпті ойша ойластырып қойыңыз. Егер сізде жоспар болса, таңертең не істеу керектігін ойлаудың қажеті жоқ.

•  Таңертең заттарды іздеуге және таңғы ас дайындауға уақыт жұмсамау үшін қажет нәрсенің бәрін алдын ала дайындаңыз. 

• Ұйықтар алдында және таңертең ауаны таза және салқын ұстау үшін бөлмені желдетіңіз.

• Ерте тұру үшін ұйқы режимін өзгертіп, жаңа әдеттерді дамыту керек. Мысалы, күнделікті бір уақытта ұйықтап, таңертең ерте тұру арқылы ұйқы режимін біртіндеп реттеуге болады.

Ұйықтар алдында не істеуге болмайды:

•  Жоспарланған ұйқыға дейін кем дегенде алты сағат бұрын кофе мен алкогольді ішпеңіз. 

• Ұйықтар алдында үш сағат бұрын спортпен айналыспаңыз. Физикалық белсенділікті таңертеңге ауыстырған жөн.

• Жоспарланған ұйқыдан екі сағат бұрын телефон қолдануды доғарған дұрыс. 

• Тым кеш ұйықтамаңыз. Ұйқының жеткілікті болуы үшін қанша уақыт қажет екенін қадағалаңыз және жаңа режимді есептеңіз. Мысалы, таңғы сағат 4:30-да тұрғыңыз келсе, кешкі сағат 10 шамасында ұйықтау керек.

  Ұйқы режимін өзгерту әсіресе алғашқы күндер мен апталарда қиын болуы мүмкін екенін түсіну керек, бірақ егер сіз мұның неліктен жасалып жатқанын, өмір сүру сапасын қалай жақсартатынын нақты түсінсеңіз, онда бұл жаңа әдет қалыптастыру үшін ең жақсы негіз болуы мүмкін.