Маңызды ереже: Өрт шыққанда не істеу керек?

Өрт тілсіз жау болғандықтан көзді ашып-жұмғанша басталып,  өмір мен мүлікке қауіп төндіруі мүмкін. Өрт болған жағдайда қалай әрекет ету керектігін білу және дұрыс дайындық өзіңіздің және басқалардың өмірін сақтап қалудың бірден-бір жолы. Сондықтан өрт болған жағдайда не істеу керегін және онымен күресуге көмектесетін бірнеше маңызды қадамдарды біле жүргеннің маңызы зор.

Сабырлық сақтаңыз және дабылды іске қосыңыз

Өрт анықталған жағдайда сабырлық сақтап, өрт дабылын шақыру түймесін басыңыз. Ондай мүмкіндік болмаған жағдайда басқаларды өрт туралы ескерту үшін айқайлап, дереу бәрін ескерту маңызды. Жылдам жұмылдыру өрттің таралуын болдырмауға көмектеседі және эвакуацияға көбірек уақыт береді.

Ғимараттан шығу

Өрт болған жағдайда негізгі мақсат ғимараттан қауіпсіз шығу болуы керек. Өрттің таралуын баяулату үшін есіктерді жауып, қауіпті аймақтан шығып кетіңіз. Бар болса, шығу белгілерін орындай отырып, ең жақын қауіпсіз қашу жолын пайдаланыңыз. Өрт болған жағдайда лифт көмегін ешқашан пайдаланбаңыз. Сондай-ақ көпқабатты үйде эвакуация жоспарымен алдын-ала танысу өрт болған жағдайда шешімді әрі тиімді әрекет етуге көмектеседі.

Өртке қарсы құралдар жинағын пайдаланыңыз

Егер сіз өрт сөндіргіштер сияқты өрт сөндіру құралдарын пайдалануға мүмкіндігіңіз болса, оны шағын өрттерді сөндіру үшін пайдаланыңыз. Дегенмен, сіздің қауіпсіздігіңіз бірінші кезекте тұруы керек екенін есте сақтаңыз. Егер өрт тез таралса немесе сіз өзіңіздің қабілеттеріңізге сенімсіз болсаңыз, дереу ғимараттан шығып, кәсіби өрт сөндірушілерді шақырыңыз.
 

Өрт кезіндегі ең маңызды тәртіп ережелері:

• Сабырлы болыңыз. 112 немесе 101 нөмірі бойынша өрт сөндірушілерді шақырыңыз.

• Қатты таралмаған өртті өз бетіңізше сөндіріңіз.

• Төбенің астында газ жиналатындықтан, бөлмеде еңкейіп жүріңіз. 

Тұрмыстық өртті қалай сөндіруге болады?

Өрт сөндіргіштерді, су, құмды қолданыңыз.

Тұтанған газды, еріткіштерді қалай сөндіруге болады?

Тек өрт сөндіргіштермен сөндіріңіз немесе құммен жабыңыз. Егер өрт кішкентай болса, дымқыл шүберекпен жапсаңыз болады.

Электр сымынан шыққан өртті қалай сөндіруге болады?

Алдымен электр қуатын өшіріңіз, содан кейін ғана сөндіруге кірісіңіз.

Жанып жатқан адамды көргенде не істеу керек?

Бұл жағдайда мүмкіндігінше тез әрекет ету маңызды. Құм, су, тіпті лас суды да қолдана беріңіз. Егер ол да қолжетімсіз болса, көрпе, жапқыш немесе үстіңіздегі сырт киіммен сөндіруге тырысыңыз.

Жеңіл күйік кезіндегі алғашқы көмек:

• терінің зақымдалған аймағын салқын суға 10-15 минутқа салыңыз немесе стерильді мұз пакетін басыңыз;

• стерильді таңғышпен ораңыз;

• ауырсынуды басатын дәрілер беріңіз;

• қажет болса, дәрігерге көрсетіңіз.

Ауыр күйік кезіндегі алғашқы көмек:

• Герметивті емес таңғышты қолданыңыз;

• ауырсынуды басатын дәрілер беріңіз;

• бір стақан сілті-тұз қоспасын беріңіз (бір шай қасық ас тұзы және екі стакан суда ерітілген жарты шай қасық ас содасы);

• жәбірленушіні ауруханаға апарыңыз.

Өрт кезінде дұрыс дайындық пен әрекет адам өмірін сақтап қалуға көмек береді. Сондықтан балаларға да негізгі қауіпсіздік ережелері мен эвакуация процедураларын үйретіңіз. Егер олар өрт сиренасын естісе немесе түтін көрсе не істеу керегін толық түсіндіріңіз.