"Өскенде бай болуы үшін": Балаға ақша ұстауды қалай үйретеміз?

Қаржы сауаты – бала кезден қалыптасатын дағды. Баланың болашағы үшін ақшаны дұрыс ұстау және жұмсау қабілеті өте маңызды. Кішкентай кезінен ақшаны дұрыс ұстап үйренбегендер есейгенде қаржыны дұрыс басқара алмайды. Bugin.kz тілшісі бұл дағдының маңызын зерттеп, балаңызға қаржылық жауапкершілікті үйретуге көмектесетін бірнеше жолды ұсынады

Ақшаның құнын түсіндіру
Ақшаға дұрыс қатынастың негізі - оның құндылығын түсінуде және білуде. Балаңызға ақша жұмыс пен еңбектің арқасында келетінін айтып, оған тауарлар мен қызметтерді сатып алуға болатынын түсіндіріңіз. Ақшаның шексіз ресурс емес екенін және оны жауапкершілікпен пайдалану керегін көрсетіңіз. 

Қалта ақшасын үнемі беру
Баланы ақшаны басқаруға үйретудің бір жолы - оған өзі жинауына немесе жаратуына ақша беру. Баланың апта сайын немесе ай сайын тұрақты түрде алатын ақылға қонымды сомасын белгілеңіз. Бұл балаға ақшаны шектеуге болатынын түсінуге көмектеседі және оған ақшаны тиімді жұмсау үшін шешім қабылдауға үйретеді.

Жинау
Қалта ақшасын берумен қатар, балаңызға жинақтың құндылығы туралы айтыңыз. Оған ақшасының бір бөлігін сақтай алатын жинақ шотын ашуға көмектесіңіз. Оған жинағаны болашақта қажетін сатып алуға керек болатынын жеткізіңіз. Балаңызды ұзақ мерзімді ойлауға және қаржылық ресурстарды жоспарлауға үйретіңіз.

Қаржы мақсатын белгілеу
Балаңызды қаржылай мақсат қоюға үйретіңіз. Ол дегеніміз ойыншық, телефон сияқты балаңыздың қалауы болуы мүмкін. Мақсат қою балаларға өз қаржысын жоспарлап, оны басқару керегін түсінуге көмектеседі.

Бюджетті бірге жоспарлау
Балаңызға отбасы бюджетін жасауға мүмкіндік беріңіз. Табыстың азық-түлік, қызмет көрсету шоттары, ойын-сауық және т.б. сияқты әртүрлі шығындарға қалай бөлінетінін түсіндіріңіз. Отбасылық шығындар жайлы талқылағанда балаңыз шет қалмасын. Осы әдіс арқылы қаржының командалық мәселе екенін және әрбір отбасы мүшесі өз үлесіне жауапкершілікпен қарауы керегін біледі.

Қаржыны жоспарлаудың негіздерін үйреніңіз
Бюджеттеумен қатар, балаңызға қаражатты жоспарлаудың негіздерін үйретіңіз. Мәселен, төтенше жағдайларға немесе күтпеген шығындарға белгілі бір ақшаны бөлу маңызды екенін білгені жөн. Балаңызға табысты "жинақ", "шығыс" және "қайырымдылық" деп бөлу сияқты қарапайым стратегияларды көрсетсеңіз болады.

Баланы ақшаны дұрыс ұстауға және дұрыс жұмсауға үйрету - ата-ананың маңызды міндеті. Бұл дағды баланың қаржы сауатын арттырып, ақшаның құндылығын түсінуге дағдыландырады. Сондықтан балам өскенде қаржылай тәуелсіз болсын десеңіз, оған ақша ұстауды қазірден үйреткеніңіз жөн.