Ажар Ғиният зорланған 3 жасар егіздің қазіргі жағдайын айтты

Денсаулық сақтау министрі Ажар Ғиният Алматы облысында өгей нағашы атасы қорлаған 3 жасар егіз бен Алматы қаласында зорланған 7 жасар оқушының жағдайы туралы айтты, - деп хабарлайды Bugin.kz порталы Massaget.kz сайтына сілтеме жасап.

Министрлік басшысы балалардың жағдайы бақылауда екенін жеткізді.

"Балалардың жағдайы орташа ауыр. Медицина қызметкерлері балаларды қабылдаған кезде ересек балалардың зорлық-зомбылық көрсеткенін анықтады. Балалар толық тексеріліп, құқық қорғау органдарына уақытында хабар берілді. Олардың жарақатына байланысты балаларға операция жасалды", - деді Ажар Ғиният ОКҚ-де өткен баспасөз мәслихатында.

Министр жәбірленген балаларға қандай операция жасалғанын айтпады.

"Бұл пациенттердің жеке мәліметі екенін ескеріп, қандай операция жасалғанын айта алмаймын. Олардың дене мүшесінде жарақат болғандықтан, дәрігерлер тиісті операцияларды жүргізді", - деді ведомство басшысы.