Израильде музыка фестивалындағы апаттан 260 адам қаза тапты

"ЗАКА" қоғамдық ұйымының еріктілері Израильдің оңтүстігіндегі Реимде өткен электрон музыка фестивалында 260 адамның мәйіті табылғанын мәлімдеді, деп хабарлайды Bugin.kz порталы Tengrinews.kz сайтына сілтеме жасап.

Nature Party электрон музыка фестивалында қаза тапқандар саны одан да көп болуы мүмкін екені атап өтілді. Сондай-ақ ондаған адам тұтқынға алынған және қазір хабар-ошарсыз кеткендер есебінде екені атап өтілді.

Бұған дейін Израиль соғыс жағдайына кіргенін ресми түрде жарияланған болатын.

Еске салайық, 7 қазанда таңертең "Изз ад-Дин аль-Кассам" бригадасының ХАМАС әскери қанаты бұрын-соңды болмаған операция басталғанын хабарлады. Газа секторынан Израильге қарай мыңдаған зымыран атылып, қарулы топтар Израиль елді мекендеріне кірді.

Өз кезегінде Израиль армиясы ондаған жойғыш ұшақтарды пайдаланып, Газа секторына шабуылдар басталғанын хабарлады.