Математиканың бір есебін шығарған адамға 1 миллион доллар сыйлық беріледі

Сан-Диегодағы Калифорния университетінің математиктері Жак Верстраете мен Сэм Маттеус 1937 жылы ұлы математик Пол Эрдештің бірнеше әрекетінен кейін ешкім алға жылжыта алмаған Рэмсидің жұмбақ теориялық есебін шешті деп newatlas.com сайты хабарлады. 

Математикада мыңжылдықтар есебі деп аталатын 7 есеп бар. Олардың ішінде Пуанкаре гипотезасы деп аталатын тек біреуі ғана дәлелденген. Ең ақылды деген математиктер қалған алтауының шешу жолдарын таба алмаған. Америкалық математиктер түйінін тапқан проблема мыңжылдықтар есебіне кірмегенмен, күрделі саналады.

"Кезінде британдық математик және философ Фрэнк П. Рэмсидің атымен аталған бұл проблема құрылымдардың ішіндегі тәртіпке қатысты тұжырымдалған".

Математиканың осы саласының граф теориясына қатысты ең әйгілі r(3,3) мәселесі көбінесе дос-бейтаныс теоремасы деп аталады. Қарапайым тілмен айтқанда, алты адамнан тұратын топта барлығын білетін кем дегенде үш адам немесе бірін-бірі танымайтын үш адам болады деп болжанады. Калифорния университетінің ғалымдары осы r(3,3) есебінің жауабы алтыға тең екенін дәлелдеді.

"Бұл табиғи факт, абсолютті шындық. Жағдайдың қандай екені немесе қандай алты адамды таңдағаныңыз маңызды емес, сіз бірін-бірі танитын үш адамды немесе бірін-бірі танымайтын үш адамды табасыз. Сіз көбірек таба аласыз, бірақ кез келген топта кем дегенде үшеу болатынына кепілдік беріледі", – дейді Верстраете.

Мыңжылдық есептері деп 2000 жылы Клэй математика институты "көп жыл бойы шешілмеген маңызды классикалық есептер" деп анықтаған жеті математикалық есеп саналады.

Әрбір есептің шешіміне 1 миллион доллар сыйақы тағайындалған. 2023 жылғы жағдай бойынша Мыңжылдықтың жеті мәселесінің (Пуанкаре гипоезасы) тек біреуі ғана шешілді.