Университет оқытушысы студентке алымсақтық жасаған

Аида Алмасова өзінің Instagram парақшасында оқытушы Алышан Исмаилов тарапынан қудалауға шыдауға мәжбүр болғанын жазды. Бұл туралы Bugin.kz тілшісі Orda.kz сайтына сілтеме жасап хабарлайды.

Оқиға 17 қарашада болған.

"Ол менен  "жүрегімде және өкпемде мәселе бар ма" деп сұрады. Мен жоқ дедім, ол тыңдап көруді ұсынды. Мен оны түсінбедім. Ол кеңсені құлыптап, ішкиімімді шешуімді айтты. Мен қорқып ішкиімімнің жоғарғы бөлігін көтердім, ол мені орындыққа отыруға мәжбүр етті. Жемпірімнің жағасынан өтіп, кеудемді уқалай бастады", - деп жазды қыз.

Студент сол күнгі оқиғадан да бөлек басқа қыздардың да осы мұғалімнің үстінен шағым түсірген хабарламаларын жариялады.

Әріптестері Алышан Исмаиловты қорғап сөйлеген. Тіпті, осылайша студенттер оқытушыдан құтылмақ болды деген нұсқа ұсынды. Дегенмен полицейлер Алмасованың сөзіне мән беріп, оқиғаның мән-жайын анықтауды көздеп отыр.

"Медицина университетінің студентінің арызы бойынша, Сарыарқа аудандық полиция бөлімі ҚР Қылмыстық кодексінің 121-бабы "Сексуалдық сипаттағы зорлық-зомбылық әрекеттері" бойынша сотқа дейінгі тергеуді бастады. Сотқа дейінгі тергеп-тексеру шеңберінде істің мән-жайын анықтау үшін барлық қажетті шаралар қабылданып, сотқа дейінгі тергеп-тексерудің толықтығын қамтамасыз ету бойынша тергеу шаралары жүргізіліп жатыр", - деді Астана қаласының полиция департаментінің өкілі.