Су тасқынынан 47 адам қаза тапты

Танзанияның солтүстігінде толассыз жауған жаңбыр салдарынан болған су тасқыны мен лай көшкінінен кемінде 47 адам қаза тапты, деп хабарлайды Bugin.kz порталы Астана арнасына сілтеме жасап.

Бұл туралы Agence France-Presse жергілікті билікке сілтеме жасап хабарлады.

"Қаза болғандар саны – 47 адам, жарақат алған – 85 адам", - деді Маньяра аймақтық комиссары Квин Сендиг.

Бұған дейін табиғи апаттан 20 адам қаза тауып, 70 адам жарақат алғаны хабарланған. Қазір жоғалғандарды іздеу жұмыстары жүргізіліп жатыр.

Айта кетсек, сенбі күні Танзанияның солтүстігінде толассыз жауған жаңбыр салдарынан лай көшкіні болып, топырақ жылжыған, аймақтағы үйлер мен инфрақұрылым қираған.