Саясат Нұрбек ҰБТ-2024-ке қатысты мәлімдеме жасады

Ғылым және жоғары білім министрі Саясат Нұрбек Ұлттық бірыңғай тестілеуге қатысты пікір білдірді, деп хабарлайды Bugin.kz порталы.

"Сіздер үшін ҰБТ-2024 өзгеріссіз қалатындығын қуана хабарлаймын. Тестілеуде сіздер тек екі пән тапсырасыздар: Қазақстан тарихы (20 тапсырма, шекті балл – 5) және Оқу сауаттылығы (10 тапсырма, шекті балл – 3). Тапсырмаларды орындау уақыты – 70 минут. Ал шығармашылық емтихандар жоғары оқу орындарында өтеді", - деп жазды министр өзінің telegram-дағы парақшасында.

Минстрдің айтуынша, бұл шешім талапкерлердің қалауы мен бейінді ведомстволардың сараптамалық пікірі негізінде қабылданды.

"Қорытындылай келе, өткен жылы ҚР Ғылым және жоғары білім министрлігі негізгі ҰБТ-ны екі рет тапсырып, үздік нәтижемен грант тағайындау конкурсына қатысу мүмкіндігін ресми түрде бекіткенін еске саламын", - деді ведомство басшысы.

Сондай-ақ ақылы оқуға түсу үшін ҰБТ тапсырудың үш мүмкіндігі (қаңтар, наурыз, тамыз) бар екені еске салынды. Тиісінше 2024 жылғы талапкерлер тестілеуден бес рет өте алады.