Үстіне ескерткіш құлап қайтыс болған қыздың оқиғасына қатысты полиция куәгерлерді іздеуде

Атырау облысы полиция департаментінің тергеу басқармасы өңір тұрғындарына ескерткіштің құлауы салдарынан кәмелетке толмаған жасөспірімнің қаза болу дерегі бойынша тергеуге көмектесуін өтінді, - деп хабарлайды Bugin.kz порталы. 

"Осыған орай, орын алған оқыс оқиғаның нақты мән-жайын анықтау, іс бойынша жан-жақтылығын қамтамасыз ету үшін 25 маусым 2024 жылы кешкі мезгілде орын алған қылмыстық құқық бұзушылықты көрген, құлаған ескерткішті көтеруге жәрдемдескен тұлғаларды Атырау қаласы, Абулхайырхан даңғылы, №55 (кабинет №329) мекен-жайында орналасқан тергеу басқармасына жүгінуді немесе 98-22-72, +7702-741-53-95, +7747-750-95-95 ұялы телефондарына хабарласуды сұраймыз", - делінген хабарламада. 

Еске салайық, бұған дейін саябақта қыздың басына ескерткіш құлап, қаза болғанын хабарлаған едік.