Тоқаев АЭС салу бойынша референдумда дауыс берді

Қазақстан Президенті Қасым-Жомарт Тоқаев АЭС салу бойынша референдумда дауыс берді, деп хабарлайды Bugin.kz порталы. 

6 қазан сағат 07:00-де АЭС бойынша референдум басталды. Алғашқылардың бірі болып премьер-министр Олжас Бектенов дауыс берді. 

Республикалық референдум бюллетенінде бір ғана сауал болады:

– Сіз Қазақстанда атом электр станциясын салуға келісесіз бе?

Дауыс беруші жауаптың екі нұсқасының бірін таңдайды:

– «Иә, келісемін» немесе, «Жоқ, келіспеймін».

Бюллетеньдер екі тілде – қазақ және орыс тілдерінде басылады.

Елімізде барлығы 10 323 сайлау учаскесі жұмыс істейді, оның ішінде 59 елде шетелдік мекемелерде ашылған 74 сайлау учаскесі бар.