Шетелдіктер асырап алған қазақ қызының қазасы туралы тың дерек шықты

Шетелдіктер асырап алған қазақ қызы өзіне қол жұмсағанын хабарлаған едік. “Шетелдегі қазақ балалары” жобасының жүргізушісі Жанар Байсеміз Динараның өлімі туралы жаңа деректер ұсынды, деп хабарлайды Bugin.kz. 

Динараны 6 жасында америкалық отбасы Қостанайдағы балалар үйінен асырап алған.

"Шетелдегі қазақ балалары" жобасының жүргізушісі Жанар Байсеміз әлеуметтік желідегі парақшасында Динараның өліміне қатысты жаңа дерек болса хабарлайтынын айтты. 

"Кеше Қазақстанның АҚШ-тағы елшілігінен хабарласты. Консулымыз Жүсіп Орынбай ата-анасынан хабар алуға тырысып жатқанын айтты. Динараның суицид жасауына не түрткі болғаны әлі белгісіз. Артына хат қалдырды ма, оны да білмейміз" -  деп жазды журналист.

Жанар Байсеміз көңіл айтып хабарласып жатқан барлық адамға алғысын білдірді.