Шерзат Болаттың әкесі мен әпкесі қамалды

Шерзат Болаттың әкесі 15 тәулікке қамалды, деп хабарлайды Bugin.kz порталы. 

Бұл туралы Шерзат Болат отбасының қорғаушылары хабарлады. Қаржаубай Нұрымовқа қатысты шешімді кезекші судья шығарған. Шерзаттың әкесі 15 тәулікке қамалды. 

"Қаржаубай бұзақылық бабы бойынша 15 тәулікке қамауға алынды. Таңертең апелляция береміз. Бақыт (Қаржаудың әпкесі) митингке шақырды деп айыпталып, 15 тәулік берілді және елден депортацияланады (ҚР азаматы емес). Салтанатқа (Қаржаудың әпкесі) бұзақылық бабы бойынша 20 АЕК мөлшерінде айыппұл салынды. Айғазы бойынша (Қаржаудың күйеу баласы) сот таңертең өтеді", - деп мәлімдеді қорғаушылар.

Адвокаттар сот шешіміне шағымданатынын айтты.

Еске салайық, күні кеше Қаржаубай Нұрымовты полиция ұстап әкеткен болатын.

9 желтоқсан күні таңертең Шерзат Болаттың ағасының денесі табылды.  Оның мәйіті Шерзаттың бейітінің маңынан табылған.