Шерзаттың үйін өртегендер туралы тың дерек шықты

Талғарда Шерзат Болаттың үйін өртегендер әлі табылмады, деп хабарлайды Bugin.kz порталы Ulysmedia.kz сайтына сілтеме жасап.

Адвокат Саида Тәуекелова тергеушілер осы күнге дейін Талғардағы Шерзат Болаттың үйін өртеп жіберген адамдарды таба алмағанын айтты.

Саида Тәуекелева зардап шеккен отбасының мүддесін қорғайды. Құқық қорғаушы тергеушілердің ісіне сын көзбен қарады. 

"Кеше біз облыстың прокурорымен кездестік, ол бізге тергеудің барлық нәтижелерін баяндады. Ол сондай-ақ іс аяқталуы мүмкін екенін де айтты, өйткені бірқатар процедуралар, қажетті сараптамалар қазірдің өзінде жүргізіліп болған. Әзірге ешкім табылған жоқ. Олар қандай үлкен жұмыс істегендерін айтты, бірақ әзірге нәтиже жоқ”, - деді адвокат.

Еске салайық, бұған дейін Шерзат Болаттың ісіне қатысты тергеу қашан аяқталатыны туралы хабарлаған едік.