Перизат Қайраттың үйінен табылған қымбат заттардың видеосы тарады (ВИДЕО)

Перизат Қайраттың үйінен тағы да әлемдік брендтегі мүліктер табылды, деп хабарлайды Bugin.kz порталы. 

Видеоданы мына сілтемеден көре аласыз.

Сонымен қатар ақшаға алған мына мүліктері бұғатталды: 

• елорданың премиум санаттағы үш тұрғын үй кешенінен пәтер, сондай-ақ «Vela Village» коттедж қалашығынан үй;
• Mercedes-Benz S450, Mercedes-Benz EQE 500, Lexus LX-600, Haval автомобильдері. 

“Тінту барысында қайырымдылыққа жиналған қаражатқа сатып алынған қымбат техника, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada және т. б. сияқты танымал әлемдік брендтердің киім, аяқ киім, зергерлік бұйымдар, сөмкелері тәркіленді”, - делінген хабарламада. 

Тергеу жалғасып жатыр. 

Қаржылық мониторинг агенттігі Перизат Қайраттан тәркіленген мүліктерді көрсетті. 

Видеода қымбат үйлерді, көліктерді, зергерлік бұйымдар мен сөмкелерді көруге болады. Арасында 25 миллион 600 мың теңгелік сөмкені де байқауға болады.

Еске салайық, Перизат Қайрат көктемгі су тасқынынан зардап шеккендерге көмек көрсету үшін, сондай-ақ Палестина тұрғындарына гуманитарлық көмек көрсету мақсатында жиналған 1,7 млрд теңгеден астам қаражатты жымқырды деген күдікке ілінген.