Перизат Қайраттың анасы да қамауға алынды

Перизат Қайраттың анасы уақытша ұстау изоляторына қамалғаны туралы ақпарат тарады, деп хабарлайды Bugin.kz порталы.

Kozaсhkov телеграм арнасында Перизат Қайраттың анасы қайырымдылық қордан қаражат шығаруға көмектескен болуы мүмкін деген мәлімет пайда болды. Енді іс бойынша Перизат Қайраттың анасы Ғайни Алашбаева да күдікті ретінде қарастырылып отыр.

Мәліметтерге сүйенсек, Ғайни Алашбаева кеше ұсталып, изоляторға қамалған, ол да 1,7 млрд теңгені жымқыру ісі бойынша күдікке ілінді.

Еске салайық, Перизат Қайрат 1,7 млрд теңгені жымқырды деген күдікке ілініп, 2 айға қамауға алынды.