Ақтауда 5 жігіттің қызды көлікке қинап мінгізген сәті видеоға түсіп қалған (ВИДЕО)

Ақтауда бойжеткенді көлікке қинап мінгізген бір топ жігіттің видеосы тарады, деп хабарлайды Bugin.kz порталы. 

Видеоны мына сілтемеден көресіз.

Былтыр мамыр айында зорлықтың құрбаны болған қыздың тағдыры елді елең еткізді. 5 жігіт жұмыстан қайтып жатқан қызды көлікке қинап мінгізіп, оған есірткі беріп, зорлаған. Таңға дейін қорлық көрген қыздың атынан жігіттер 2 млн теңге несие рәсімдеген. Үйге келген қыз құрбысына барлық жағдайды айтып, өзі терезеден секіріп, мерт болды. 

Қайғылы оқиға 2024 жылдың мамыр айында болған. Ал 2024 жылдың соңында марқұм қыздың туыстары сот шешіміне келіспейтінін айтып, құқық қорғаушылардан көмек сұрап жатыр. Олардың айтуынша, сот шешімі бұрмаланған көрінеді. 

Бас зорлаушыға прокурор өмір бойына бас бостандығынан айыруды сұраған. Қалған төртеуі 15-16 жылға сотталуы керек еді. 

Прокуратура оларды зорлау, жыныстық сипаттағы зорлық-зомбылық, өзін-өзі өлтіруге дейін жеткізу, есірткі заттарын қолдануға көндіру, есірткі заттарын заңсыз пайдалану, заңсыз бас бостандығынан айыру, адам ұрлау, бопсалау баптарымен айыптады. 

Бірақ судья Досетов Инятулла Раушанбекович сот процесінде айыптауларды қайта жіктеді. Судья қыздың өлімін зорлықпен байланыстырмады. Ол өлімнің зорлық болғаннан кейін 3 күн өткен соң болғанын алға тартты. Қыздың өзі терезеден секіріп, мерт болғанын айтты. 

Қыздың отбасы апелляциялық шағым түсірді.