Әйелді кепілге алып, ата-анасын өлтірген күдікті оның бұрынғы жігіті болып шықты

Ақтөбеде әйелді кепілге алып, ата-анасын жертөледе пышақтаған ер адам қыздың бұрынғы жігіті екен, деп хабарлайды Bugin.kz.

Дәрігерлердің айтуынша, кепілде болған үш адамның екеуі түнде ауруханаға жеткізілген. Олардың бірі – 1950 жылғы ер адам. Дәрігерлер науқасқа 40 минут бойы реанимация жасаған. Алайда оны аман алып қалу мүмкін болмаған. Әйелдің анасы да мерт болды. 

Ал 40 жастағы әйелдің жағдайы қазір ауыр. 

“Науқас “бас миының жабық жарақаты” диагнозымен жансақтау бөлімінде жатыр. Жағдайы тұрақты, бірақ ауыр, есін біледі және өздігінен тыныс алады. Ол ем қабылдап жатыр”, - деді облыстық аурухана дәрігерлері.

Еске салайық, Ақтөбеде әйелді және оның ата-анасын кепілге алған ер адам ұсталды.