Павлодар-Қызылорда тас жолында жантүршігерлік жол апаты болды

Павлодар-Қызылорда тас жолында жүк көлігі жеңіл көлікпен соқтығысты, деп хабарлайды Bugin.kz порталы.

Павлодар мен Қызылорда қалаларының арасындағы тас жолда екі көлік соқтығысты. Апат салдарынан екі адам қаза тауып, тағы бір жолаушы ауруханаға жеткізілді.

“Жол апаты салдарынан Hyundai Accent көлігінің жүргізушісі мен жолаушысы оқиға орнында қаза тапты, тағы бір жолаушы дене жарақатымен ауруханаға жатқызылды”, - деп хабарлады Павлодар облыстық полиция департаментінің баспасөз қызметі.

Еске салайық, бұған дейін 18 жастағы жасөспірім тізгіндеген көлік апатқа ұшырап, 16 жастағы жолаушы мерт болғанын жазған едік.