Кептелістен құтылу үшін: Ел астанасы ауысуы мүмкін

Қырғызстанда ел астанасы ауысуы мүмкін, деп хабарлайды Bugin.kz порталы. 

Қырғызстан парламенті отырысында депутат Бақытбек Марипов астананы басқа жерге көшіріп, министрлер кабинетін сонда орналастыруды ұсынды. Осылайша қаладағы түтін мен кептеліс мәселесін шешуге болатын көрінеді. 

“Ыстық-көлде Асман қаласы салынайын деп жатыр. Ол үшін 10 миллиард доллар инвестиция тартылмақ. Ал темір жолды Бішкектен көшіру үшін 550 миллион доллар қажет. Ал айналма жол құрылысымен бірге ол 1 миллиардқа айналады”, - деді депутат.

Сондықтан Мариповтың сөзінше, министрлер кабинетін басқа қалаға көшірсе, Бішкектегі кептеліс мәселесі шешіледі. 

Еске салайық, Қырғызстанда қоғамдық орында никаб киюге және үй-үйді аралап уағыз айтуға болмайтын заң күшіне енді.