“Уақыты келді”: Дональд Трамп Путинді "қорқытып” пост жазды

АҚШ президенті Дональд Трамп Truth Social әлеуметтік желісінде жазба жариялады, деп хабарлайды Bugin.kz порталы.

АҚШ президенті өз жазбасында Украинамен соғысты тоқтату туралы келісім жасалмаса, Ресейге жаңа санкциялар мен сауда баждарын енгізетінін мәлімдеді.

“Егер біз "мәміле" жасаспасақ жақын арада Ресейдің Америка Құрама Штаттарына және басқа елдерге сататын барлық тауарына жоғары салықтар, баждар мен санкциялар салудан басқа амалым қалмайды. Мен президент болсам, ешқашан басталмауы тиіс болған осы соғысты аяқтайық! Біз мұны оңай немесе қиын жолмен жасай аламыз, бірақ оңай жолы қашан да жақсырақ. "Мәміле жасасар" уақыт келді”, - деді АҚШ президенті.   

Трамп Ресейге зиян тигізгісі келмейтінін және әрқашан президент Владимир Путинмен өте жақсы қарым-қатынаста болғанын атап өтті.  

Еске салайық, бұған дейін Трамп АҚШ-тың екінші рет президенті атанғанын хабарлаған едік.