Ақтауда болған ұшақ апаты: қара жәшіктегі мәліметтер қашан жарияланады?

Ақтау маңындағы ұшақ апатына қатысты тергеудің алдын ала қорытындылары келесі аптада жарияланады, деп хабарлайды Bugin.kz порталы. 

Бұл туралы премьер-министрдің орынбасары Қанат Бозымбаев мәлімдеді. Оның айтуынша, қара жәшіктер зерттеліп, Қазақстанға қайтарылды, тергеудің алдын ала қорытындылары келесі аптада жарияланады. 

Еске салайық, 25 желтоқсан күні Бакуден Грозныйға бет алған Әзербайжан ұшағы Ақтау маңында апатқа ұшырап, бортта болған 67 адамның 39-ы қаза тапты. 28 жолаушы аман қалды. Бұған дейін ұшқыштар мен диспетчерлердің соңғы әңгімесі тарағанын хабарлаған едік.