Bugin
Авторларды қолдау орталығы
mediabugin@gmail.comФото: Видеодан алынған скриншот
Оңтүстік Кореяда жолаушылар мінген ұшақ өртенді, деп хабарлайды Bugin.kz порталы.
Видеоны мына сілтемеден көресіз.
Оңтүстік Кореяның Пусан қаласындағы әуежайда ұшуға дайындалып жатқан Air Busan әуекомпаниясының ұшағы өртеніп кетті. Ұшақта 176 адам болған. Барлық 169 жолаушы мен 7 экипаж мүшесі үрлемелі траптар арқылы дер кезінде эвакуацияланған.
Өрт сөндірушілердің хабарлауынша, эвакуация кезінде үш адам жеңіл жарақаттар алған екен.
Төтенше жағдайлар қызметінің мәліметінше, өрт ұшуға бірнеше минут қалғанда ұшақтың құйрық бөлігінде басталып, тез арада ұшақтың барлық бөлігіне тарап үлгерген. Ұшақ толығымен жанып кетті.
Еске салайық, 25 желтоқсан күні Бакуден Грозныйға бет алған Әзербайжан ұшағы Ақтау маңында апатқа ұшырап, бортта болған 67 адамның 39-ы қаза тапты. 28 жолаушы аман қалды. Бұған дейін ұшқыштар мен диспетчерлердің соңғы әңгімесі тарағанын хабарлаған едік.