Арнайы жасақ қызметкерлерін соққыға жыққандар туралы тың дерек шықты

Елордалық полиция департаменті Астанада арнайы жасақ қызметкерлерін соққыға жыққандар туралы мәлімет ұсынды, деп хабарлайды Bugin.kz порталы. 

Полицияның мәліметінше, арнайы жасақ жігіттеріне төрт адам шабуыл жасаған екен Олар ұсталды. Қазір қамауда отыр.

Астана полиция департаментінің ішкі қауіпсіздік басқармасы билік өкіліне қатысты зорлық-зомбылық әрекеттері бойынша сотқа дейінгі тергеу амалдарын жүргізіп жатыр. Тергеу барысында шабуыл жасаған төрт адам да анықталып, соттың рұқсатымен қамауға алынды. 

Ведомство тергеуге байланысты басқа ақпаратты жария етпеді.

Еске салайық, бұған дейін 21 қаңтарда төрт ер адам BMW 7401 көлігімен ЕРОП ескі ғимаратына келіп, арнайы жасақ қызметкерлеріне шабуыл жасап, олардың денсаулығына зақым келтіргенін хабарлаған едік.