Шымкентте 3 апта бұрын жоғалған жігіт өлі табылды

Шымкентте ауылына қайтамын деп із-түзсіз жоғалған 20 жастағы Бәйдібек Ақмырзаұлы өлі табылды, деп хабарлайды Bugin.kz порталы. 

Жас жігіт 2025 жылғы 14-қаңтарда Түркістан облысы Ордабасы ауданынан Шымкент қаласына жүргізуші куәлігін алуға келген. Кейін сағат 14:37 шамасында досын әуежайдан шығарып салған. Кейін әкесіне әлеуметтік желі арқылы ауылға қайтатынын жазыпты. Ол 15:22-де “Қатын көпір” аялдамасы маңында бір ұялы телефоны өшкен екен. Ал 16:00 шамасында екінші телефоны өшіп қалған.

Еділбек Бәйдібекті туыстары іздеп таппағаннан кейін, 16-қаңтарда Тұран аудандық полиция бөліміне арызданған. Шымкент қалалық полиция департаменті іздестіру жұмыстарын жүргізген. 

Шымкент полиция департаментінің ресми өкілі Бағлан Исатаева бұл жағдайға қатысты түсініктеме берді.

“16 қаңтарда полицияға 2004 жылы туған азаматтың жоғалғаны туралы хабарлама түсті. Арыз тіркеліп, іздестіру жұмыстары басталды. Жоғалған адамды табу үшін департаменттің барлық күші жұмылдырылды. Іздестіру шаралары әлі де жалғасуда. Жас жігіттің денсаулығы жақсы, жат әдеттерге бой алдырмаған”, – деді ол.

Алайда бүгін 5 ақпан күні жігіттің туыстары Еділбек Бәйдібектің денесін тапқанын мәлімдеді.