Трамп трансгендерлерге әйелдер спортына қатысуға тыйым салды

Трамп трансгендерлерді әйелдер жарысынан шектеді, деп хабарлайды Bugin.kz порталы.

Ақ үй басшысы жарлыққа қол қойды. “Бұдан былай әйелдер спорты тек әйелдерге арналады”, - деп мәлімдеді президент. 

АҚШ трансгендер атлеттерге виза беруді тоқтатпақ.

Сенатор Томми Тубервиллдың сөзінше, Трамп енді Халықаралық Олимпиада комитетінен трансгендерлерді әйелдер жарыстарына мүлде қатыстырмауды талап етпек.

Трамп қол қойған құжатқа сәйкес, трансгендерлерге әйелдер сайысына қатысуға мүмкіндік беретін мектептер мен университеттерге мемлекет қаржы бөлмейді. АҚШ президенті сондай-ақ мұндай тәжірибені Лос-Анджелестегі 2028 жылғы жазғы Олимпиада ойындарына енгізбек.