Қуандық Бишімбаев сотқа шағым түсірді

Әйелі Салтанат Нүкенованың өліміне себепкер болған экс-министр Қуандық Бишімбаев сотқа шағым түсірді, деп хабарлайды Bugin.kz порталы. 

Ол мекеме басшылығының оған жеңілдік жасамауына байланысты сотқа шағымданды. Ал Қылмыстық-атқару жүйесі комитетінің мәліметінше, сотталғандарға жазаны өтеу тәртібін бұзған жағдайда жеңілдіктер берілмейді.

Сот Бишімбаевтың шағымын қанағаттандырмады, алайда Бишімбаевтың нақты қандай заң бұзғаны айтылмады.

Еске салайық, 2024 жылы 13 мамырда Астанада Салтанат Нүкенованың өліміне қатысты сот процесі аяқталып, экс-ұлттық экономика министрі Қуандық Бишімбаев әйелін азаптап өлтіргені үшін кінәлі деп танылған еді.