Мәулен Әшімбаев бюджетті үнемдеуді Маск пен Трамптан үйренуге кеңес берді

Мәулен Әшімбаев Парламент Сенатының Бюджет кодексін талқылауға арналған отырысында бюджетті үнемдеуді Маск пен Трамптан үйренуге кеңес берді, деп хабарлайды Bugin.kz порталы. 

Ол бюджетті оңтайландырудың мысалы ретінде Илон Маск мүше болған АҚШ үкіметін негізге алды. 

“АҚШ үкіметі әрбір мемлекеттік органның бюджетін қысқартып, оның тиімділігіне талдау жасап, ысырапшыл шығындарды жоюда. Бұл қандай үнемдеуге әкелетінін көрейік”, - деді Мәулен Әшімбаев. 

Сонымен қатар салық реформалары арқылы кірістерді ұлғайтып немесе тепе-теңдікті сақтау үшін шығындарды азайту арқылы әлеуметтік жобаларды қаржыландыруға мүмкіндік беру керектігін атап өтті. 

Кейін Сенат жаңа бюджет кодексін Мәжіліске кері қайтарды. 

Депутаттар маңызды құжаттағы жеке баптардың редакциясын ұсынды. Кодексте Ұлттық қорға қатысты 3-4 бапқа түзету енгізілді.