Балабақшада тәрбиеші балаларды көрпемен тұншықтырып ұйықтатпақшы болған (ВИДЕО)

Қарағанды облысындағы балабақшалардың бірінде тәрбиешінің іс-әрекеті видеоға түсіп қалған, деп хабарлайды Bugin.kz порталы. 

Видеоны мына сілтемеден көресіз.

Тәрбиеші баланы ұйықтап жатқан жерінен жұлып алып дәретке отырғызады екен. Сонымен қатар бүлдіршіннің ауызын қолымен, содан кейін көрпемен жауып ұйықтатпақшы болады. Өзге де видеолардан оның балаларға дөрекі қылық көрсетіп жатқанын анық көруге болады. 

Қалалық білім бөлімі бұл тәрбиешінің жұмыстан босатылғанын хабарлады. Құзырлы органдар тергеуді бастады.

Еске салайық, бұған дейін Маңғыстау облысындағы бақшалардың бірінде тәрбиеші барлық балаға бір қасықпен тамақ бергенін хабарлаған едік.