Атырауда 15 жастағы қызды зорлаған ер адам “үйленіп” жазадан құтылмақ болды

Жазадан жалтарып кеткен Атыраудағы 15 жастағы қызды зорлаған жас жігіт сотталды, деп хабарлайды Bugin.kz порталы. 

Бұл туралы @onestopservice_1qadam орталығының заңгері Ләззат Рақышева өзінің инстаграм парақшасында жазды. 

Қыз зорлаған күдіктінің үстінен қозғалған қылмыстық іс тоқтап қалған екен. Өйткені қос тараптың ата-анасы өзара татуласып, құда-жекжат болуға келіскенін. Алайда кейін ер адам қызға күн көрсетпей, соққының астына алды.

Оқиғадан кейін анасы құзырлы органдардан қылмыстық істі қайта қарауын сұраған болатын.

15 жастағы қыз әлеуметтік желі арқылы танысқан жігітпен жолықты. Анасының сөзінше, айыпты қызды көлігіне отырғызып айдалаға апарып зорлапты. Мектеп оқитын қыз бұл оқиғаны ешкімге айтпаған. Анасы қызының денесіндегі көгерген іздерін көргенде ғана біліпті. Дереу құзырлы органдарға арыз жазыпты.

Жігіт 2 жыл 6 айға сотталды.