Ақтауда AZAL әуе апатында қаза тапқандарды еске алу асы берілді

Маңғыстау облысының әкімі Нұрдәулет Қилыбай Ақтауда AZAL әуе апатында қаза тапқандарды еске алу асы берілгенін мәлімдеді, деп хабарлайды Bugin.kz порталы.

Ол Қазақстан Президенті Қасым-Жомарт Тоқаевтың тапсырмасы бойынша ұшақ апатының салдарын жою және оның себептерін анықтау, зардап шеккендерге көмек көрсету жөніндегі Үкіметтік комиссия құрылғанын еске салды.

Әкім құтқарушыларға, дәрігерлерге және бей-жай қалмаған барлық қазақстандықтарға тағы да алғысын білдірді.

Іс-шара барысында қаза тапқан қазақстандықтардың жақындарына Алматы қаласының жаңа тұрғын үй кешеніндегі бес екі бөлмелі пәтердің кілттерін табыс етті. Пәтерлер жиһазбен және тұрмыстық техникамен жабдықталған.