18 жылға сотталған Кәрім Мәсімовтің үйі сатылымға шықты

Кәрім Мәсімовтің мүлікті заңсыз алу фактісімен алған үйі сатылымға шықты, деп хабарлайды Bugin.kz порталы. 

Қайтарылған активтерді басқару жөніндегі компания Нұра ауданы, Ерейментау көшесі, 1 мекенжайында орналасқан жертөле қабаты бар тұрғын үйді сатылымға шығарды. Нысанның бастапқы бағасы 1,8 млрд теңгені, кепілдік жарна – 117,9 млн теңгені құрайды. Сатылым 25 ақпан күні сағат 10.00-де өтеді. 

Құқық қорғау органдары бұл үйге қатысты жылжымайтын мүлікті заңсыз алу фактілерін анықтады.

Кәрім Мәсімов 2022 жылғы қаңтардағы оқиға кезінде ұсталды. 2023 жылдың сәуір айында Астанадағы сот Мәсімовті мемлекетке опасыздық жасағаны, билікті күшпен басып алуға тырысқаны, билік пен лауазымдық өкілеттіктерді асыра пайдаланғаны үшін 18 жылға бас бостандығынан айырды.