Қазақстанда орташа айлық жалақы 434 мыңға өсті

Ұлттық статистика бюросы орташа айлық жалақының ең көп өсімі туралы мәлімет берді, деп хабарлайды Bugin.kz порталы. 

2024 жылы орташа айлық ақпарат және байланыс салаларында тіркелген екен. 2024 жылдың IV тоқсанында бағалау бойынша жалақының медианалық мәні 308 717 теңгені құрады. 2024 жылдың IV тоқсанында атаулы жалақының орташа мәні 434 982 теңгеге жетті.

“2023 жылдың тиісті тоқсанына өсім 10,5%, нақты мәнде өсім 1,8% құрады. Төртінші тоқсанда орташа жалақы мөлшерінің өсуі жыл қорытындысы бойынша қосымша төлемдер мен мерекелік сыйақылар есебінен еңбекақы қорының ұлғаюына байланысты болды”, - делінген хабарламада.

Орташа айлық жалақының ең көп өсімі ақпарат және байланыс салаларында – 32,8%-ға, ауыл, орман және балық шаруашылығында 22,7%-ға, жылжымайтын мүлікпен жасалатын операцияларда 20,3% тіркелді.