Семейде 12 көшенің атауы өзгереді

Семейде 12 көшенің атауы қазақша атауға ие болады, деп хабарлайды Bugin.kz порталы. 

Семей көшелерінің біріне Құнанбай Өскенбайұлының аты беріледі. Қаладағы Первомайская, Селевин, Уральская сияқты 12 көшенің атауы өзгереді. Енді ол көрнекті тұлға Дулат Бабатайұлының, Тәуелсіз Қазақстанның тұңғыш Қорғаныс министрі Сағадат Нұрмағамбетов сияқты тұлғалардың есімімен аталады. 

Семейде жалпы саны 1200-ден астам көше бар. Көбінің атауы идеологиялық тұрғыда ескірген. Сонымен қатар мән-мағынасы жоқ. Атауы өзгеретін көшелерге тарихи тұлғалардың аты берілмек. 

Сондай-ақ қысқа көшелерге жер-су аттарын беру мәселесі арнайы комиссия отырысында қаралады.