Автобус көпірден құлап, 55 адам ажал құшты

Автобус Гватемала көпірінен құлап, кем дегенде 55 адам қаза тапты, деп хабарлайды Bugin.kz порталы. 

Адам көп жиналатын автобуста 70-тен астам адам болған. Автобус Сан-Агустин-Акасагуастлан қаласынан шыққан. Ол жол  бойындағы көпірден жыраға құлады. Алдын ала мәлімет бойынша, автобус жүргізушісі көлікті басқара алмай қалған. 

Оқиға орнында 53 адам көз жұмды. Тағы екеуі ауруханаға жеткізілгеннен кейін қайтыс болды. Өрт сөндіру қызметі автобус жартылай су астында қалғанын, құрбандардың денелері айналада жатқанын айтады. 

Гватемала президенті Бернардо Аревало үш күндік ұлттық аза тұту күнін жариялады.