Әзербайжан билігі Ресей депутатын елге кіргізуге тыйым салды

Әзербайжан билігі Ресей мемлекеттік думасының депутаты, бұрынғы боксшы Николай Валуевке елге кіруге тыйым салды, деп хабарлайды Bugin.kz порталы. 

Бұл туралы Әзербайжан СІМ баспасөз қызметінің басшысы Айхан Гаджизаде мәлімдеді. Оның айтуынша, Николай Валуев Әзербайжан халқына немқұрайлылық танытқан. 

"Ресей мемлекеттік думасы туризм комитеті төрағасының бірінші орынбасары Николай Валуевтің Әзірбайжан халқына айтқан қорлайтын сөздері, сондай – ақ оның біздің елді бопсалаған сөздері мүлдем дұрыс емес", - деді Гаджизаде.

Бұрынғы боксшы Бакудегі Орыс үйінің жабылуын сынға алған. Саясаткер ел билігін Ресей аумағындағы Әзербайжан диаспораларына назар аударуға шақырды. Олардың бизнесі мен активтерін тартып алып, визалық режим енгізіп, әзірбайжандықтарды елден шығаруды талап еткен.