Абай облысында терроризмді насихаттаған ер адам ұсталды

Абай облысында әлеуметтік желілерде терроризмді насихаттады деген күдікпен ер адам ұсталды, деп хабарлайды Bugin.kz порталы. 

Бұл туралы ұлттық қауіпсіздік комитетінің баспасөз қызметі мәлімдеді. 

“28 қаңтарда Ұлттық қауіпсіздік комитеті прокуратура мен ішкі істер органдарының көмегімен Абай облысының тұрғынын ұстады. Ол терроризмді, соның ішінде әлеуметтік желілер арқылы насихаттады деп күдікке ілінді”, - деп хабарлады ҰҚК. 

Тергеу әрекеттері барысында заттай дәлелдемелер тәркіленген. Қылмыстық кодекстің 256-бабының 2-бөлігі бойынша сотқа дейінгі тергеп-тексеру жүргізіліп жатыр. 

Қылмыстық-процестік кодекстің 201-бабының 1-бөлігіне сәйкес өзге ақпарат жария етілмеді.