Адам өлтіріп, 16 жыл іздеуде болған қылмыскер ұсталды

Шымкентте 16 жылдан астам уақыт бойы іздеуде жүрген адам ұсталды, деп хабарлайды Bugin.kz порталы. 

Бұл туралы Бас прокуратура мәлімдеді. 

Шымкент прокуратурасының үйлестіруімен Полиция департаментінің жүргізген жедел-іздестіру іс-шараларының нәтижесінде ҚР ҚК-нің 99-бабымен ("Адам өлтiру") қылмыстық құқық бұзушылық жасаған тұлға ұсталды.

"Атап айтқанда, 2009 жылғы 9 қаңтарда "Астория" кафесінің жанында "А" есімді азамат атыс қаруын қолдану арқылы аса ауыр қылмысты жасап, тергеуден жасырынған. Қылмыскер 16 жылдан астам уақыт бойы халықаралық іздеуде болған", - делінген хабарламада.

Қазіргі уақытта күдікті уақытша ұстау изоляторына қамалды, сотқа дейінгі тергеп-тексеру жүргізіліп жатыр.