Қаржылық пирамида ұйымдастырған адам ұсталды

Қаржылық пирамида ұйымдастырушысы Түркияға қашпақ болған кезінде ұсталды, деп хабарлайды Bugin.kz порталы. 

Күдікті 7 ақпанда Астана әуежайында ұсталып, екі ай мерзімге уақытша ұстау изоляторына қамалды.  

Ол 2023 жылдан бастап биологиялық белсенді қоспа сатумен айналысатын “LIVEGOOD” қаржылық пирамидасының бөлімшесін басқарған. 6 мыңнан астам адам сол компаниядан 2 мың доллар бонус алу үшін ай сайын 50 доллар төлейтін жазылым сатып алған.

Күдікті жиналған қаражатқа құны 60 млн теңгеден автотұрағы бар екі пәтер алған. Оларды тәркілеуден жасыру үшін өз атына және сенімді тұлғаларға рәсімдеген. 

Соттың санкциясымен оның пәтерлері, криптоактиві, автокөлігі, сондай-ақ тінту кезінде тәркіленген 19 млн теңге және 4 мың долларына тыйым салынды.