Каспий теңізі жағалауының қызыл түске боялуы елді алаңдатты

Каспий теңізінің жағалауы қызыл түске боялды, деп хабарлайды Bugin.kz порталы.

Жергілікті тұрғындар Каспий теңізінің 1А ықшамауданы маңындағы жағалауы қызыл түске боялып кеткенін байқаған. Жағалаудың қызыл түске боялуына байланысты Маңғыстау облысының экология департаменті теңіз суының құрамын тексеретін болды.

Маңғыстау облысы бойынша экология департаментінің мамандары әлеуметтік желіде таралған жыл сайын болатын Каспий теңізінің қызыл түске боялу құбылысына байланысты 12 ақпанда теңіз суынан сынама алған. 

“Оның аясында теңіз суының құрамына химиялық және мұнай өнімдерінің бар немесе жоқ екендігіне талдау жұмыстары жүргізіледі. Нәтижесі қосымша хабарланатын болады”, - делінген хабарламада.