Іле Алатауында жоғалып кеткен төрт жасөспірімнің жағдайы белгілі болды

Алматы облысы Іле Алатауы тауында "Лесной" асуында Букреев шыңынан түсу кезінде 15-16 жастағы 4 жасөспірім адасып кетті,  деп хабарлайды Bugin.kz порталы.

ТЖМ мәліметінше, "РЖҚЖ" жедел тобы шақырту орнына шыққан.

"Құтқарушылар теңіз деңгейінен 3010 метр биіктікте адасып қалған жасөспірімдерді тауып, қажетті көмек көрсетті. Құтқарушылар оларды таудан түсіріп, полиция қызметкерлерінің қатысуымен ата-аналарына тапсырды. Медициналық көмекке ешкім мұқтаж болған жоқ", - делінген хабарламада.

Жасөспірімдердің ата-аналары құтқарушыларға алғыс білдірді.